Litanya

Tila ba ako'y naliligaw sa mundong umaalingawngaw Di ko na matagpuan ang dati kong gawi Di ko na maramdaman ang dating pakiramdam Nakatingin ngayon sa kalangitan Inaalala mga nagdaan saan ko nga ba naramdaman Napakaraming ala-alang nagbigay saya sa akin isa na dito ay ang pagtingin kong sayo lamang nakalaan tuksuan, iyakan, na kay sarap balik-balikan mga panahong kami'y buo pa mga panahong naririnig ko pa ang malakas mong halakhak na pumapawi sa malulungkot naming araw mga surpersa mong walang kapantay na tumimo na sa puso't isipan kaya naman hinahanap-hanap Kay sarap balikan ala-ala ng nakaraan na tanging sa ala-ala mo nalamang mararamdaman

Ano ang pangarap mong pamumuhay makalipas ang sampung taon? Dati-rati nang itinatanong satin ang bagay na ito, mapa-akademiko man yan o barkadahang kwentuhan, at sa kwentuhang ito, 'di na dito mahihiwalay ang pabonggahan ng kani-kanilang ari-arian,  pagandahan ng bahay na may swimming pool, paangasan ng mga sasakyan at ang kanilang magiging mga trabaho sa hinaharap. Ngunit hindi natin maipagkakaila, sa labas ng barkadahanag kwentuhan na ito, gawin nating seryosong usapan, mapupunta tayo sa reyalidad ng buhay, sa mga pinabonggang mga ari-arian na nais makuha ay nagiging simple na lamang. Simpleng pamumuhay kasama ang pamilya, walang alitan at puro pagmamahalan lamang, lahat nagbibigayan at nagmamahalan. Payak na pamumuhay kung saan may negosyong mapagkukunan ng gastusin sa pang araw-araw na hindi na inaalala pa ang kinabukasan. At ako naman, nakapasok na sa propesyong gusto ko at may sapat ng kita at mayroong ipon sa bangko upang mabili ang mga ninanais. At isa pa, makalipas ang s...