Litanya

Larawan mula sa Pinterest "Salamat mahal kong ina" Siyam na buwan sayong sinapupunan sakit sa tiyan ay iyong dala-dala subalit ang pagmamahal at pag-aalaga, ang iyong saligang inihanda Nang sa puntong ako'y isisilang  kirot man ang naging dulot subalit ang makita ako ay mas lamang mga ngiti mo ang mas nag-uumapaw nagdaan ang maraming taon batid man ang hirap ng buhay subalit ang pag-aalaga mo ay naroroon at ang mga aral mo ang tangi kong gabay Ang pag aasikaso mo ay kakaiba kahit walang-wala ikay ay gumagawa Sa tuwinang ramdam ko ang iyong pagdaramdam kabilaan ang problema at pahinga ang inaasam Salamat aking mahal na ina ang masilayan ang ngiti mo ang nais kong makita hindi matatawaran ang lahat mong sakripisyo isa kang bayani na aking iniidolo

Shakespearean Sonnet Larawan mula sa Pinterest  "Patak ng Ulan" Saan lulugar ang patak ng ulan na lagiang kumakatok sa bintana, bintanang hindi sila pinagbubuksan luha ng kalangita'y nagmamarka at kung pagbubuksan ay manlalamig simoy ng hangin ay yayakap sayo at s'yang babalutin ka sa panlalamig na pilit pinapasok ang iyong pagkatao, dahil ang bitbit nito ay kulimlim tinutulugan lamang ng karamihan subalit ang hindi natin mga alam ang kailangan nito ay mapakinggan umaasang may pinto na magbubukas at ang luhang ito'y mabigyan ng lunas

Larawan kuha sa Pinterest KAHIHIYAN Kung nakakahiyang pangyayari naman Aba'y, marami rin naman ako niyan nakakahiya na ngang balik-balikan ngunit sa inyo, akin ngang susubukan kahit pa kayo ay magsipagtawanan Kami ay naglalakad ng aking pinsan galing sa paaralan na pinasukan patungo sa lugar na aming sasakyan ngunit bago marating ang pupuntahan kami ay sinalubong ng kahihiyan Itong aking pinsan ngang may kadaldalan butas sa gitna ng daan di napansin kaya naman ayon, s'yay lumusot doon mga nakakita'y nagsipagtawanan kaya naman hiling sa lupa'y lamunin Hindi lamang iyan aking karanasan Buwan ng Nobyembre nakaraang taon noong ang SPES ay muling nasimulan RHU at Balagtas doon na-asign kung saan naroroon ang bakunahan Isang batang chubby, ako ay nakyutan pagtingin sa akin ako'y kinawayan kaya naman pabalik kong kinawayan ngunit pagtingin ko sa aking likuran hindi pala ako ang kinakawayan

ANAK AKO Isang tipikal na anak sa pagmamahal ay sabik sa mga aral ay hitik sa mga utos inaantok kaya kapalit ay talak Magulang ko ang gumabay Sa problema'y hawak kamay Na walang makakapantay Sa simpleng buhay na bigay Sila ang nagbigay kulay Disiplina at respeto 'yan sa'kin ang turo kaya saan man magtungo iyan ay dala-dala ko tumatak na sa aking puso Sa mga pagkakataon kalungkuta'y nilalamon na pilit na tiinatakpan sila nagbibigay daan upang loob pagaanin Mga pagkakataong labis na naliligaw ng landas  nariyan upang ilihis mapunta sa tamang landas sa bawat patak ng oras

GO-UP           BY: SB19            May mga bagay na darating nalang bigla nang hindi mo inaasahan. Mga bagay na magiging sanhi ng kaligayahan at lungkot mo. Mga bagay na mawawala na lamang ng hindi mo inaasahan na magiging sanhi ng pagkagunaw ng mundo mo, subalit kapag naririnig ko ang mga lirikong tumorok na sa aking puso at isipan nagkakaroon ako muli ng pag-asang bumangon at tuparin ang mga pangarap ko sa buhay. Ibibigay ko ang aking puso Sa pag-abot ng pangarap, 'di hihinto Handa 'kong harapin ang lahat, yeah Kahit pa imposible                                                                                                     ...

     Maraming pagpapakahulugan sa pinagpala sapagkat ang bawat tao ay mayroong iba't-ibang karanasan sa buhay at dito nila nabibigyan ng depinisyon ang salitang pinagpala. Maaaring pinagpala sa buhay, sa pamilya, relasyon at maging sa sakuna na kanilang naranasan.      Bilang isang tipikal na estudyante, kung bibigyan ko ng depinisyon ang pinagpala ay ito ang biyayang aking natanggap at natatanggap sa araw-araw. Masasabi ko na isa akong pinagpala sapagkat wala pa ako sa mundong ibabaw ay sabik na ang pamilya kong masilayan ko ang mundo. Mayroon akong buo at masayang pamilya noong nagkamuwang ako kahit kinuha sa amin ng maaga ang aming haligi ng tahanan ay masasabi ko na pinagpala pa rin ako sapagkat may ala-ala pa ring nakaimbak sa isip at puso namin kasama sya. Mga masasayang ala-ala na babaunin ko saan man ako magtungo. Para sa akin, pinagpala pa rin ako sa kabila ng pagkawala ng maaga ng aming haligi ng tahanan sapagkat naranasan ko pa rin ang pagmamahal...